swords

ഫാസിസത്തെ കുറിച്ച് ക്ലാസ്സെടുതോണ്ടിരുന്നപ്പോഴാണ്  ലാസ്റ്റ് ബെഞ്ചിൽ നിന്ന് ഒരു ചോദ്യം. അല്ല ,നമ്മൾ ഇതൊക്കെ പഠിച്ചിട്ടു എന്താ കാര്യം. ? വീട് എത്തുന്നത്‌ വരെ ആ ചോദ്യം തന്നെയായിരുന്നു മനസ്സിൽ. ആ കുട്ടി ചോദിച്ചതിലും കാര്യമില്ലേ.   ബെഡ് റൂമിലെത്തി വസ്‌ത്രം ഊരിയെറിഞ്ഞു , കിടക്കയിലേക്ക് ഒന്ന് ചെരിഞ്ഞതെ ഉള്ളൂ...ദേഹത്തു ഒരു പിടി വീണു. കൂടെ ഒരു അട്ടഹാസവും . " നഗ്നത പ്രദർശനത്തിനു നിങ്ങളെ അറസ്റ്റ് ചെയ്തിരിക്കുന്നു.

. ഇനി കുറ്റവും ശിക്ഷയും ജനങ്ങൾ തീരുമാനിക്കട്ടെ. നീതിമാനായ രാജാവ് കൽപന പുറപ്പെടുവിച്ചു. അങ്ങനെ അവർ ശിക്ഷ നടപ്പാക്കാൻ തുടങ്ങി. കൊലയാളിയെ അവർ തൂക്കിലേറ്റി. ബാല പീഠനം നടത്തിയവനെ തല്ലിക്കൊന്നു.വ്യഭിചാരിയെ ഉടുതുണിയില്ലാതെ നടത്തി, പിന്നെ നാടുകടത്തി.കള്ളനെ കല്ലെറിഞ്ഞു കൊന്നു. ബാലാല്സംഘവീരനെ  മുതലകൾക്ക് എറിഞ്ഞു  കൊടുത്തു. അവസാനം അവർ അടിച്ചു കൊന്നത് രാജാവിനെ തന്നെ യായിരുന്നു. രാജാവിന്റെ പവിത്രതയിൽ അവർക്ക് സംശയം തോന്നിയത്രേ..